Mae cymaint i'w ddarganfod ar Enlli
Paratowch i archwilio Enlli, lle sy’n llawn hanes, diwylliant cyfoethog, a bywyd gwyllt syfrdanol. Wrth i chi lanio yn y Cafn mi fyddwch yn camu oddi ar y cwch i ynys sydd gyda milenia o hanes; diwylliant cyfoethog, bywyd gwyllt sydd yn ffynnu a chymuned fyw o ynyswyr sydd yn gweithio’r tir a physgota’r môr.
Mae Enlli yn glytwaith o lwybrau ac mae croeso i chi ddilyn y rheini i ddarganfod yr ynys; lawr lwythwch y map yma cyn cyrraedd.
Cofiwch fod y tywydd yn gallu newid yn gyflym felly dewch efo dillad glaw. Mae’r tir yma yn gallu fod yn anwastad felly dewch a sgidiau cryf a chyfforddus.
Gwylanod yn solfach
Gwymon
Ynys Enlli
Beth i'w weld a'i wneud ar Enlli
Gyda phedair awr i’w harchwilio ar daith undydd, bydd gennych ddigon o amser i ddarganfod uchafbwyntiau Enlli. I’r rhai sy’n aros yn hirach, manteisiwch ar y cyfle i ymgolli yn harddwch yr ynys a ymgysylltu â’i hanes cyfoethog a’i bywyd gwyllt.
Fel ymwelydd dydd; mi fedrwch ymweld â’r arddangosfa’r yr hen Ysgol, y Capel, Siop yr Ymddiriedolaeth a’r Arsyllfa Adar. Mae Caffi yn Nhŷ Pellaf a tholiet cyhoeddus yn Iard Plas. Cadwch eich llygaid am artist preswyl yn ei stiwdio agored yn Llofft Nant.
Cadw Enlli yn arbennig
Ni chaniateir cŵn ar yr ynys oherwydd y fferm, adar sy’n nythu ar y ddaear, a’r cytref Morloi Llwyd.
Oherwydd ein hadar sy’n nythu ar y ddaear, mae’n bwysig iawn amddiffyn Enlli rhag cyflwyno llygod mawr neu anifeiliaid eraill a allai fod yn ysglyfaethwr i’r rhain. Gwnewch yn siŵr nad oes unrhyw risg o unrhyw stowaways diangen yn eich bagiau cyn disgyn y cwch.
Ni chaniateir dronau ar Ynys Enlli, felly cymerwch eiliad i wirio ein Polisi Drôn am fwy o fanylion.
Pererinion
Pererindod i Enlli
Cwblhewch Lwybr Cadfan neu Lwybrau Pererinion Gogledd Cymru ar Enlli.
Meysydd Diddordeb
Cliciwch ar y map i ddysgu mwy am yr ynys.
Hendy
Yr adeilad pellaf i’r gogledd ar Enlli, llety gwyliau sy’n cysgu 7. Ynghyd â Nant roedd yn un o’r cyntaf o’r eiddo a adeiladwyd fel rhan o raglen waith yr Arglwydd Niwbwrch yng nghanol a diwedd y 1800au.
Nant
Un o’r llety gwyliau sy’n cysgu 6. Un o’r cyntaf o’r eiddo a adeiladwyd fel rhan o’r rhaglen o waith gan yr Arglwydd Niwbwrch yng nghanol a diwedd y 1800au.
Llofft Nant
Iard sy’n cynnwys dwy stiwdio artistiaid a Llofft Nant (cysgu 2) sydd fel arfer yn ganolfan i artistiaid preswyl yr ynys.
Ty Nesaf
Un o’r llety gwyliau sy’n cysgu 6
Ty Bach
Cartref preifat Rheolwr yr Ynys, y Warden a’i theulu.
Ty Capel
Drws nesaf i’r Capel ac wedi’i guddio o dan ochr y mynydd. Un o’r eiddo gwyliau sy’n cysgu 8.
Carreg Bach
Bwthyn bach croglofft, cysgu 2. Un o’r adeiladau hynaf sy’n dal i weithredu ar yr ynys.
Carreg Fawr
Adeilad mawr ar wahân yng nghanol yr ynys. Cartref i Brenda Chamberlain am gyfnod yn ystod ei 15 mlynedd yn byw ar Enlli. Mae ei murluniau i’w gweld o hyd heddiw y tu mewn, fodd bynnag, mae hwn yn eiddo preifat ar gyfer ymwelwyr gwyliau felly os ydych am weld murluniau mae rhaid trefnu hyn ymlaen llaw.
Plas Bach
Y mwyaf o’r adeiladau ar yr ynys, ac fe’i hadeiladwyd fel cartref ynys yr Arglwydd Niwbwrch am flynyddoedd lawer.
Llofft Plas Bach
Lleoliad Llofft Plas (cysgu 2), Beudy Plas (llety ein Wardeniaid a gwirfoddolwyr) a siop Ymddiriedolaeth Ynys Enlli.
Cristin
Mae hwn yn rhan o Arsyllfa Adar a Maes Enlli ac mae’n darparu llety arddull ‘bunkhouse’.
Ty Pellaf
Mae Tŷ Pellaf yn gartref i deulu Roberts sydd ar hyn o bryd yn ffermio Enlli. Mae Gareth hefyd yn un o bysgotwyr yr ynys. Mae’r caffi yn Nhŷ Pellaf ar agor drwy’r dydd ar gyfer diodydd poeth/oer, cacennau a phrydau poeth gan gynnwys brecwast a chinio (mae’n werth profi’r cimychiaid Enlli ffres!). Mae rhaid archebu prydau poeth 24 awr ymlaen llaw.
Rhedynogoch
Cartref preifat i’r Pysgotwr
Lle nesaf?
