Helpwch i gynnal yr ynys trwy ddod yn wirfoddolwr
Mae gwirfoddoli yn gyfle unigryw i brofi bywyd a gwaith ar yr ynys ag i gefnogi’r Ymddiriedolaeth i gynnal a chadw’r tir ac adeiladau’r ynys weithiol hon. Mi fyddwch yn ymuno gyda thîm egnïol o staff ar Enlli. Mae cyfleoedd hir a byr dymor o fis Mawrth i fis Hydref.
Gweler y wybodaeth ac y dudalen yma am fwy o wybodaeth. Darllenwch y gwybodaeth i gyd cyn mynd ati i wneud cais osgwelwch yn dda.
Yn gyfnewid am eich llety, gofynnwn am tua 5 awr o waith y dydd, 5 diwrnod yr wythnos.
Nodir: Nid ydym bellach yn derbyn ceisiadau ar gyfer gwirfoddolwyr 2026.
Gwirfoddolwyr cyn y tymor
Chwefror - Mawrth
Rydym yn chwilio am unigolion neu grŵp o wirfoddolwyr i ddod i helpu i gael y lletyai yn barod ar gyfer y tymor gwyliau.
Mae llawer iawn o waith glanhau i’w wneud, yn ogystal â phaentio a pharatoi’r ystafelloedd yn ystod yr wythnosau hyn. Mae croeso i chi wneud cais am wythnos neu fwy.
Dewiswch ‘Cyn Tymor’ yn y ffurflen gais (dydd Sadwrn i ddydd Sadwrn).
Mae siawns uwch fod y cwch ddim yn rhedeg yn rheolaidd ym mis Mawrth oherwydd y tywydd, felly byddwch yn barod i fod yn hyblyg.
Nid ydym bellach yn derbyn ceisiadau ar gyfer gwirfoddolwyr 2026.
Gwirfoddolwyr tymor hir
Ebrill - Medi
Dyma gyfle gwych i gael blas ar fywyd ar yr ynys yn ystod misoedd prysur y gwanwyn ar haf.
Byddwch yn helpu’r tîm i gynnal a chadw’r tai, y gerddi a’r mannau cyhoeddus i safon uchel ar gyfer ymwelwyr a gwesteion sy’n aros. Byddwch yn helpu’r Wardeniaid Llety ar ddiwrnodau ‘changeover’ ac yn y gerddi, ac yn cynorthwyo Rheolwr yr Ynys gyda thasgau gwaith tir a chynnal a chadw.
Rydym yn chwilio am wirfoddolwyr brwdfrydig, gweithgar. Addas ar gyfer unigolion neu gwpl sy’n fodlon rhannu ystafell.
Nid ydym bellach yn derbyn ceisiadau ar gyfer gwirfoddolwyr 2026.
Gwirfoddolwyr Ôl-dymor
Hydref
Rydym yn chwilio am wirfoddolwyr sydd am ymuno â thîm yr ynys ym mis Hydref. Rydym yn chwilio am unigolion neu grŵp o wirfoddolwyr i ddod i helpu i gau’r llety ar ôl y tymor gwyliau. Mae llawer iawn o waith glanhau i’w wneud, yn ogystal â phaentio a phacio dodrefn a chynfasau ac ati yn barod ar gyfer y gaeaf.
Nid ydym bellach yn derbyn ceisiadau ar gyfer gwirfoddolwyr 2026.
Beth i wybod cyn cyrraedd
Dydd Mercher – Cyrraedd – cwrdd â’r wardeniaid a setlo i mewn i’r llety
Dydd Iau – Gweithio gyda Rheolwr yr Ynys ar dasgau gwaith tir a chynnal a chadw.
Dydd Gwener – diwrnod i ffwrdd
Dydd Sadwrn – Glanhau lletyai gwyliau ‘changeover’ gyda Wardeniaid Llety
Dydd Sul – diwrnod i ffwrdd
Dydd Llun – Gwaith ar dasgau a osodwyd gan Reolwr yr Ynys
Dydd Mawrth – Gweithio gyda Wardeniaid Llety yn y gerddi
Dydd Mercher – Gweithio gyda Rheolwr yr Ynys ar dasgau gwaith tir a chynnal a chadw.
Mae tasgau arferol yn cynnwys peintio ffenestri, arwyddion a gatiau, torri a chasglu gwair, chwynnu ‘cobbles’, cynnal y berllan, torri llwybrau’r mynydd, gwaith coed a hel sbwriel ar y traethau.
Darllenwch y wybodaeth ganlynol yn ofalus cyn gwneud cais. Mae’r llety’n sylfaenol a gall rhai adegau o’r flwyddyn fod yn oer.
Llety: Yn ystod y tymor byddwch yn aros yn Beudy Plas. Cyn ac ar ôl y tymor byddwch yn gallu aros yn y tai gosod (gweler y wefan).
Mae gan Beudy Plas un ystafell wely gyda dau wely sengl a chegin yn yr iard.
Bydd gan eich llety hylifau glanhau addas ac offer i chi eu defnyddio.
Gofynnwn yn garedig i chi gadw lefel uchel o lanweithdra yn ystod eich arhosiad a gadael y tŷ fel y daethoch o hyd iddo.
Cawod awyr agored (os oes digon o ddŵr glaw)
Y Gwch a Pharcio
Mae gwybodaeth i westeion isod. Pris tocyn cwch yw £60 y pen a mae y parcio am ddim i wirfoddolwyr ar y fferm. Mae’n debyg y bydd yn haws talu’r rhain mewn arian parod wrth gyrraedd.
Ffoniwch Colin Evans, y cychwr, ar ôl 6.30pm ar y noson cyn i chi adael i gael gwybod faint o’r gloch i gyrraedd. Ffôn: 07971 769895. Nid yw Swyddfa Enlli yn gallu cadarnhau amseroedd croesi’r cwch. Hefyd, gwnewch yn siŵr eich bod wedi rhoi gwybod i ni am y nifer cywir o deithwyr a ddisgwylir ar gyfer y daith cwch.
Bydd y wardeniaid yn eich croesawu oddi ar y gwch ac yn gallu ateb unrhyw gwestiynau sydd gennych.
Cyn i chi anfon e-bost atom gydag ymholiad pellach, ewch i’r dudalen yma am atebion i lawer o gwestiynau cyffredin.
Cyrraedd Fferm Cwrt
Gyrrwch i fyny mynedfa’r fferm, heibio’r ffermdy ar y dde i chi a pharcio’ch car yn y cae tu ôl i’r tŷ.
.
Sylwch nad oes toiledau cyhoeddus yng Nghwrt. Mae’r toiledau cyhoeddus agosaf ym maes parcio’r Ymddiriedolaeth Genedlaethol yn Aberdaron. Beth am alw i mewn i fecws Islyn a Spar i siopa ar yr un pryd!
Unwaith y byddwch wedi parcio, bydd y tractor bagiau a’r trelar yn cyrraedd yn fuan, a byddwch yn cael gwybod beth i’w wneud nesaf.
Bagiau
Paciwch eich bagiau yn ofalus, gan gofio y bydd angen i chi allu codi pob bag/bocs uwchben uchder ysgwydd i’w gludo ar y cwch ac oddi arno ac y gallai hefyd wlychu! Mae ychydig o fagiau bychain yn well nag un cas mawr. Cofiwch ei gadw i tua. 30kg y person.
Mae blychau storio plastig yn ddelfrydol.
Er mwyn lleihau faint o drin, gofynnwn yn garedig i chi bacio DIM OND YR HYN SYDD EI WIR ANGEN.
Peidiwch ag anghofio labelu pob bag a blwch yn glir gydag enw’r tŷ lle byddwch chi’n aros neu fe allent fynd ar goll wrth eu cludo.
Rydym wedi cynhyrchu’r rhestr wirio ddefnyddiol hon o bethau i wneud yn siŵr eich bod yn mwynhau eich arhosiad a pheidiwch ag anghofio unrhyw beth:
- Meddyginiaeth – gwnewch yn siŵr bod gennych ddigon o unrhyw feddyginiaeth ar bresgripsiwn/epi-pens/inswlin ac ati, ac ychwanegol rhag ofn y bydd oedi wrth ddychwelyd.
- Bwyd a diod – nid oes unrhyw siopau yma felly gwnewch yn siŵr eich bod wedi pacio’r holl fwyd sydd ei angen arnoch ac ychydig yn ychwanegol rhag ofn y byddwch yn mynd yn sownd am ddiwrnod neu ddau. Mae gan bob tŷ oergell fach a rhewgell.
- Mae digon o ddŵr yfed ar yr ynys, ni fydd angen i chi ddod ag unrhyw beth gyda chi. Mae gan y fferm ddiodydd meddal, gwinoedd, cwrw a gwirodydd ar werth wrth y botel yn ogystal ag wyau, cimychiaid a chranc. Gallwch hefyd archebu pryd tecawê gyda’r hwyr a/neu frecwast drwy drefniant ymlaen llaw. Ffôn: 07535 064943 neu e-bost wgroberts@hotmail.co.uk. Cysylltwch â nhw ymlaen llaw hefyd i archebu cynnyrch ffres.
- Cynfasau gwely a gorchuddion duvet i welyau sengl ym Meudy Plas
- Casys gobenydd
- Tea towels and Lliainiau sychu llestri a thyweli
- Argymhellir sliperi neu esgidiau dan do oherwydd gall y lloriau fod yn oer.
- Dillad gwaith addas – cot law, gwrth-ddŵr, esgidiau cerdded, welingtons,
- Torsh pen – mae gan bob tŷ rywfaint o olau gan bwer solar ond argymhellir eich bod yn dod â torsh pen ar gyfer y nos a theithiau hwyr i’r tŷ bach!
- Gwefrydd solar a phecyn batri – cyfyngedig iawn yw’r trydan solar a ddarperir gennym, rydym yn argymell dod â gwefrydd solar neu becyn batri â gwefr lawn os oes gennych un; rydym yn gallu gwiferu eitemau bach fel ffonau neu gamerâu i chi os yw’n ddigon heulog / gwyntog.
- Arian parod – mae yna ychydig o siopau anrhegion a chaffi, a chan nad oes gennym ni dwll yn y wal yn Enlli, dewch â digon o arian parod neu lyfr siec.
Yr hyn yr ydym yn ei gyflenwi
- Hylif golchi llestri
- Sbwng golchi llestri a chlytiau glanhau
- Mae gan eich cegin yr holl offer sydd eu hangen arnoch chi.
- Papur toiled
- Clustogau a duvet ar gyfer pob gwely
- Poteli dŵr poeth
- Menig ac offer gwaith (er bod croeso i chi ddod â rhai eich hun)
Nodir: Nid ydym bellach yn derbyn ceisiadau ar gyfer gwirfoddolwyr 2026.
If the dates/opportunities do not fit into your schedule, please get in touch and we might be able to accommodate you for shorter periods.
