Tripiau Dydd

Mae parcio ar gael ym maes parcio’r Ymddiriedolaeth Genedlaethol ym Mhorth Meudwy. Mae’n cymryd tua 10-15 munud i gerdded lawr yr allt i draeth Porth Meudwy lle mae’r cwch yn gadael o, felly gadewch ddigon o amser ar gyfer y daith gerdded hon.

Mae toiled cyhoeddus (toiled compost) yn Iard Plas, sydd 10-15 munud o Cafn lle mae’r cwch yn glanio ar Enlli. Sylwch nad oes toiled ym Mhorth Meudwy, rydym yn argymell defnyddio cyfleusterau yn Aberdaron cyn teithio ymlaen i Borth Meudwy.

Mae cyfleusterau eraill ar Enlli yn cynnwys caffi yn Nhŷ Pellaf (5-10 munud o’r glanio) sy’n gweini diodydd poeth ac oer, cacennau, cinio ysgafn a phrydau poeth (mae’n rhaid eu harchebu o leiaf ddiwrnod ymlaen llaw). Cysylltwch â Meriel Roberts i wneud unrhyw ymholiadau am y caffi drwy ymweld â thudalen Facebook y caffi yma.

Mae’r daith cwch yn cymryd tua 20 munud yno ac 20 munud yn ôl. Fydd gennych chi cyfle i weld dolffiniaid, Manx Shearwaters a Puffins ar hyd y ffordd. Unwaith ar Enlli bydd gennych 4 awr nes i’r cwch adael, bydd Colin yn rhoi eich amser ymadael i chi. Mae hwn yn ddigon o amser i archwilio’r ynys. Os ydych chi’n gallu cerdded i fyny’r Mynydd ar gyfer golygfeydd ar draws Bae Ceredigion, weithiau mae’n bosibl gweld yr holl ffordd i Sir Benfro yn y De neu Arfordir Gorllewinol Iwerddon i’r Gorllewin. Gallwch hefyd ymweld â’r Capel, y Tŷ Ysgol ac Adfeilion yr Abaty yn ystod eich ymweliad, lleoedd poblogaidd i’r rhai ar bererindod neu sydd wedi dod i ddiwedd llwybr pererinion Ffordd Cadfan.

Efallai y byddwch chi’n gweld ystod eang o fywyd gwyllt ar daith undydd i Enlli. Cadwch eich llygaid ar agor wrth i chi croesi ar y cwch am adar môr ar glogwyni dwyrain yr ynys neu yn bwydo ar y môr. Mae’r adar, pâl, gwylog, mulfran werdd, gweilch y penwaig a gwylanod y graig i gyd yn nythu yma. Pan gyrhaeddwch Enlli byddwch yn cael eich cyfarch gan y morloi llwyd yr Iwerydd swnllyd yn Henllwyn. O amgylch Enlli fe welwch tinwennod, corhedyddion y waun, bran goes goch, a digon o adar eraill. Rydym yn argymell galw i mewn i’r Arsyllfa Adar yn Cristin i ddarganfod pa adar sydd wedi’u gweld yn ddiweddar.