Ymweld ag Enlli am ei bywyd gwyllt, ei diwylliant a'i threftadaeth
Mae’r profiad o aros yn Ynys Enlli yn unigryw ac yn arbennig iawn. Dyma gyfle i ‘droi eich cefn ar wegi’r byd’, i dreulio wythnos o dan y sêr, a chael eich amgylchynu gan fywyd gwyllt, hanes a’r elfennau.
Dewch am encil o’r oes ddigidol ar eich pen eich hun neu dewch am antur gyda thŷ llawn o ffrindiau a theulu. Mae wythnos ar Enlli yn sicr o roi cyfle i chi ymlacio a dod yn ôl at eich coed.
Tŷ Nesaf a Thŷ Bach
Llety
Eisiau dod i aros ar yr ynys?
Archebwch eich gwyliau unigryw yn Enlli heddiw. Mae gennym amrywiaeth o dai rhestredig Gradd 2, llofftydd stabal a bwthyn gyda chroglofft i chi ddewis ohonynt.
Aros ar Enlli
Dysgwch mwy am beth i'w ddisgwyl
Mae’r tai yn ffermdai traddodiadol, llofftydd stabal neu groglofft draddodiadol Gymreig gyda chyfleusterau syml. Mae pob tŷ oddi ar y grid ond mae gan bob un oergell/rhewgell fach, popty nwy a ffwrn, lampau solar, ac mae gan y mwyafrif stôf losgi coed. Mae gan bob tŷ doiledau compost syml.
Does dim golygfeydd gwael ar Enlli ac mae gan bob tŷ ansawdd a chymeriad arbennig y byddwch chi’n syrthio mewn cariad ag ef.
Ynys Enlli gan Myles Jenks
Tripiau dydd
Ymwelwch â'r ynys am y dydd
Gallwch ymweld ag Enlli ar drip dydd drwy gydol y flwyddyn o fis Ebrill i fis Hydref. Mae Colin Evans, Mordaith Llŷn, yn rhedeg gwasanaethau o Borth Meudwy pryd bynnag y mae’r tywydd yn caniatáu. Ewch i Fordaith Llŷn i drefnu ymweliad diwrnod.
Holi be ydy be - popeth y mae angen i chi ei wybod cyn ymweld
Mae man parcio ar gyfer ymwelwyr dydd ar gael ar ben uchaf y trac sy’n arwain i lawr i Borth Meudwy, mae’n tua 15 munud i cerdded i’r porth lle mae’r cwch yn gadael. Ar gyfer ymwelwyr sy’n aros, darperir gwybodaeth am barcio wrth archebu.
Mae’n ddibynnol ar y llanw a chyflwr y môr mae’r cwch yn cymryd tua 20-30munud pob ffordd.
Nac ydy, yn anffodus nid yw’n bosib dod a’ch ci i’r ynys oherwydd bod adar yn nythu ar y llawr, mae’r morloi llwyd ar y creigiau, ac mae anifeiliaid fferm yn y caeau.
Ydy, mae’r caffi yn ffermdy Tŷ Pellaf yn cynnig diodydd poeth, cacennau, brecwast a brechdanau. Mae prydau poeth, gan gynnwys cimychiaid ffres Enlli hefyd ar gael ond rhaid eu harchebu ymlaen llaw. Cysylltwch â Meriel Roberts am archebion.
Nid yw Ymddiriedolaeth Ynys Enlli yn darparu angorfa ar gyfer cychod. Mae’n bosibl angori yn Rhonllwyn, y bae ar ochr ddeheuol yr ynys; fodd bynnag, gofynnwn i gychod gadw’n glir o fan gorffwys y morloi llwyd ac osgoi niweidio unrhyw gewyll cimychiaid yn yr ardal. Mae ffi glanio o £5 y pen yn daladwy yn siop yr Ymddiriedolaeth.
Grug
Storws
Blodau Corsydd
Solfach gan Elin Gruffydd